CAGAYAN DE ORO CITY – Nasubo ang tropa sa 58th IB,Philippine Army sa gidangatan sa ilang batan-ong sundalo nga namatay dili tungod sa mga bala sa kaaway apan gumikan kay nahulog sa lawom ng pangpang sa Sitio Civoleg,Brgy Lonutan,Gingoog City,Misamis Oriental.
Kini human natandugan ang puy-anan sa daghang putyukan samtang naglusad sila sa operasyong-militar rason nga nangdagan kini palayo sa lugar apan wala nabantayi nga usa kanila nakapaingon sa pangpang.
Sumala sa Dimalulupig Batallion nga maoy nahulog-patay si 1Lt John Paul Tua kinsa nahiagom sa grabeng mga samad sa ulo epekto sa mga dagkong bato sa nahulugan niini.
Gitinguha pa nga maluwas ang biktima apan subo ang mga kauban niyang sundalo nagpahibalo sa batalyon sa dili maayong panghitabo sa ilang misyon.
Dugtong niini,gipaabot sa tibuok Philippine Army ang pagpasubo ngadto sa pamilya sa biktima ug giila ang iyang bayanihon ug pagsikripisyo mahatagan lang sa luwas nga komunidad ang katawhan sa Misamis Oriental.
Gitakdang dad-on ang patay’ng lawas sa biktima ngadto sa yutang natawhan niini aron mahatagan sa ensaktong pahiluna ug makatunol usab sa katapusang respeto ang iyang mga opisyal ug kauban sa hanay sa kasundaluhan ingon man kabanatyan.
