CAGAYAN DE ORO CITY – Gipasidunggan sa Philippine National Police ang 400 ka pulis pinaagi sa Police Regional Office 10 diin sila kabahin sa nagsilbing special electoral board members sa Commission on Elections nga nadestino sa Lanao del Sur sa milabay’ng May 12 ning tuiga.
Kini agi’g dungaan nga paghatag pag-ila ug pagtunol pasidungog sa 3-mil 698 SEBs nga ipanguluhan ni PNP chief Gen Rommel Marbil nga nanukad sa Camp Crame sa kauluhan.
Nangulo usab paghatag sa maong pasidungog sa 400 ka pulis sa rehiyon si PRO 10 regional director Brig Gen Jaysen De Guzman nga gihimo sa multipurpose hall sa Kampo Alagar sa Brgy Lapasan ning syudad.
Pagbatbat pa ni De Guzman nga tinuyo ang pag-ila sa maong mga pulis tungod sa ilang dedikasyon sa trabaho,kaiosg ug pagka-propesyonal sa trabaho taliwala nga dilikado ingo man nalayo sa mga pamilya sa maong adlaw.
Hisayrang tungod sa paghiusa sa kapolisan sa Lanao del Sur Police Provincial Office ug Police Regional Office 10,walay nahitabong failure of elections sa pinakaunang higayon sa Lanao del Sur sa milabay’ng Mayo 12 nga piliay.
