CAGAYAN DE ORO CITY – Gidani sa City Local Environment and Natural Resources Office ang katawhan nga dili palabyon ang daghang kalihukan nga nakahan-ay alayon sa kasaulugan sa ‘Environment Month’ sulod sa Hunyo ning tuiga.
Namahayag si CLENRO manager Engr Armen Cuenca nga apil sa mga aktibidad ang Recyclable Waste Recovery diin bugti-an nila sa salapi,Gcash ug mobile load ang madala sa katawhan nga ‘recycle wastes’ sa Gaston Park ugmang adlawa.
Pagpasabot niini nga ang pagbugti sa mga insentibo mag-agad sa gimbug-aton sa mga basura nga madala sa maong adlaw.
Kini nga pagpadala’g recycle wastes ang pinahaom usab sa kasaulugan sa Environment Day ugmang adlawa.
Sundan usab kini sa “One Time, Big Time” Anti Smoke Belching Campaign diin ang buhatan sa CLENRO,LTO, DENR-EMB ug RTA ang ,mangulo pagka-petsa sa 10 sa Hunyo.
Tapuson ang Environment Month pinaagi sa paglusad sa Global Wind Day diin ilusad ang ‘Sa Limpyo nga Hangin, Magtabanog Ta Uy” nga himoon sa Isla de Oro Boulevard nga maapilan sa tanan gamit ang ang eco-friendly materials ug “Sikad para sa KInaiyahan” sa Hunyo 14 ning tuiga.
