Kompirmado nga adunay naglihok nga resolusyon nga unang gidudahan nga nagtinguha nga ibasura ang articles of impeachment ni Vice Pres Sara Duterte nga nakaung-ong sa senado.
Kini human unang gibutya sa Bombo Radyo ni Sen Jinggoy Estrada nga mismo siya ang nakakita ug nakahawid sa maong resolusyon sukad pa sa miaging adlaw’ng Lunes.
Namahayag si Estrada nga hinoon,niya pirmahi ang maong resolusyon kay igo lang man sila giingnan nga basahon ang unod niini.
Sa pikas bahin, gikompirmar gihapon ni Sen Joel Villanueva nga nakakita siya sa maong resolusyon pinaagi sa senate media group chat.Apan wala niya mabasa ang unod sa maong dokumento ug wala usa’y opisyal nga kopya nga nahatag sa iyang buhatan.
Dumduman nga kalit milutaw ang maong impormasyon sa resolusyon nga nagtumong pagbasuta sa impeachment complaint batok VP Sara dihang gisibog ni Senate Pres Chiz Escudero ang pagbasa sa articles of impeachment ngadto sa petsa 11 gikan sa Hunyo 2 ning tuiga.
Nagkinahanglan sa 2/3 votes gikan sa 24 ka senador ang impeachment court aron konbiktado si VP Sara apan kon mapakyas sila niini,ma-absuwelto kini.
Hisayrang lalisunon pa kung matuki ba gyud sa senado sa ilang nabiling mga adlaw sa sesyon ang VP case kay kung dili,namiligro na kini nga sa 20th Congress na duso’g utro ug mapadayon.
