CAGAYAN DE ORO CITY – Mihangyo si City Mayor Klarex Uy nga unta paluyuhan sa katawhan ang paningkamot sa city govt kabahin sa pagtubag sa suliran sa mga basura sa dakbayan.
Kini tungod kay mahimong walay kapuslanan ang daghang mga pagpatuman sa mga balaod kabahin sa solid waste management kung walay pag-abag sa katawhan.
Siya miingon nga gibuhat na sa gobierno ang tanang mga mahimo niini nga ikasulbad sa isyu sa basura ug higayon na usab nga ipabati sa katawhan ang ilang partisipasyon.
Gihimo sa mayor ang paghangyo nunot sa isyu sa basura sa syudad kay nagkapalpak ang koleksyon sa Tencil Environmental Management sa miaging Mayo ning tuiga.
Hisayrang bisan sa kontrobersya sa Tencil,gilugwayan pa’g tulo ka bulan sa city govt ang kontrata niini samtang wala pa’y nalusad nga bidding aron mokuha sa bag-ong kontrator alang sa koleksyon sa basura.
