Angayang mobati’g kaulaw sumala sa kampo sa House prosecutor panel ang gihimong pagpa-remand o pagpabalik sa senado sa articles of impeachment nga giatubang ni Vice Pres Sara Duterte ngadto sa kamarabaha.
Kini ang pasiunang batiko nga gibuhian ni House panel prosecutor spokesperson Atty Antonio Bucoy nga gi-hire nila ni Speaker Martin Romualdez aron maoy motubag kabahin sa impeachment legal issues nga giatubang ni VP Sara.
Miingon si Bucoy kinsa 40 ka tuig nang anaa sa court litigation practice nga wala kini sukad nakakita sa probisyon sa batakang balaod sa gihimong aksyon sa 18 ka senador nga gipabalik sa kamara ang gipasaka nila nga reklamo batok Inday Sara aron ipa-rebyo ang isyu sa one-year ban sa pagduso sa impeachment filing.
Sa pikas bahin,nagbaton na daw sa ‘broken justice’ ang Pilipinas tungod sa gihimo sa liderato ni Senate Pres Chiz Escudero nga pag-remand sa impeachmen.
Kini ang komento ni Atty Christian Monsod, 1987 Philippine Constitution framer sa pagdumala sa senado sa reklamo nga gipasaka sa kamarabaha batok Inday Sara.
Nagtoo si Monsod nga mibati na’g kasuko ang katawhan sa klaro nga paglangan-langan sa mga senador nga masugdan ang pagdungog sa mga atraso nga giatubang sa bise-presidente.
Dugtong niini,gidasunan usab kini nga kontra sa batakang balaod ang gihimo sa dul-an 20 ka senadores nga wala gilayong pagsugod sa impeachment proceedings apan gibalik na hinoon sa kamarabaha kay ipaubos pa sa pagrebyo
.Kini ang komento ni kanhi Supreme Court chief Justice Renato Puno dihang gikuhaan sa iyang kaugalingong komento sa panghitabong bangi sa senado ug kamarabaha.
Namahayag si Puno nga aron mawala ang nagkadaiyang pagduda angayang masugdan ang pagtaral sa mga isyu nga giakusar sa kamara batok sa pagka-opisyal ni Sara.
Hisayrang katingad-an nga naghinobra ang presyur nga nadawatan sa senado sa impeachment complaint ni VP Sara apan hilom ang daghang grupo sa mga isyu nga giatubang ni Pres Bongbong Marcos.
