Kutob na lang sa pagpabati sa ilang kalooy ang social media netizens sa dihang nasayran nga tinguha luwason sa mga personahe sa Bureau of Fire Protection ang binuhi nga iring nga gitukob sa dakong halas o sawa sa halwa sulod sa usa ka pinuy-anan sa syudad sa Tacloban,Leyte sakop sa Eastern Visayas Region.
Kini human ulahi na nga naabtan sa BFP-8 Special Rescue Force ang panagkumbati duruha ka mananap sulod sa halwa kay ang mga tiil na lang sa iring ang wala pa hingpit natulon sa sawa sa maong hitabo.
Unang nakadawat sa tawag ang BFP-18 kabahin sa pagpangayo’g tabang sa gidangatan sa iring rason nga gikasa ang paspas nga pag-responde.
Apan gumikan sa kadako sa halas ug limitado ang paglihok sa binuhing iring,nalupig kini ug natukob sa hingpit.
Wala usab patya apan gidala sa BFP 8 ang maong halas sa hingtungdang ahensiya alang sa tukmang proseso.
Dumduman nga nabaniug nga kung ensakto lang away tali sa maong mananap,dili malupig ang iring ug hinoon kaya pildihon niini ang halas.
Apan mipalanog usab ang socmed netizens nga tungod sa kadako sa halas,hayan naglisod sa pakig-away ang iring ug hingpit nga natukob.
Gikomentahan usab sa netizens kung nganong gisulod sa halwa sa tag-iya ang maong iring rason nga limitado ang paglihok niini sa pakig-away sa dakong sawa.
Hisayrang sa pagkutlo ning balita,wala pa’y gilugwa nga komento ang tag-iya sa iring kung nganong nakaabot ang halas o nakasulod sa ilang balay aron matukob ang binuhi niini.(📷BFP-VIII)
