(Update) CAGAYAN DE ORO CITY – ‘Kung aduna pa’y gitago nganong sulod sa pasilidad sa gobierno ug dili sa luag nga kayutaan ni kanhi Misamis Oriental Governor Peter Unabia.’
Kini ang pagpasabot ni kanhi Misamis Oriental Provincial Legal Officer Atty. Niel Pacana kabahin sa gipakalot nga mga dokumento nga iya sa kapitolyo-probinsyal sa yuta diin nagbarog ang bag-ong Misamis Oriental Provincial Jail sa lungsod sa Initao ning lalawigan.
Miingon si Pacana nga kung pagguba ug pagtago sa mga dokumento ang ilang katuyuan, nganong mga sakop sa Human Resources Management Office sa kapitolyo ang motrabaho ug kagamitan sa gobierno ang gamiton.
Nagpasabot nga tungod kay gitratar na nila nga wala na kini bili pa rason nga gipalubong na lang sa MOPJ compound aron sulod lang gihapon sa kustodiya sa gobierno.
Namugos kini nga bisan dili na puslan ang maong mga dokumento subay sa ebalwasyon sa pila ka na kanhi namunuan nga administrasyon.
Apan giklaro niini nga taliwala nga angay na kadtong wad-on nga mga dokumento,dili kini angay makit-an sa katawhan kay protektado ang pribasiya sa mga naglangkob nga mga tawo niini.
Kampante sila nga dili makahatag sa isyung-legal sa kanhi administrasyon ang nakab-ot nga hukom nila pagpalubong niini sa lalawigan.
