Gitabo sa pagsinumbagay sa mga players ang opisyal nga pagbukas sa Sinag Liga Asya (SLA) sa USTP Gymnasium, kagahapon.
Gisaksihan kini nila Brgy Carmen Chairman Raineir Joaquin “Kikang” Uy ingon man nila SLA President Ray Alao, Chief Operating Officer Leo Isaac, Chairman Rocky Chan, Commissioner Rodney Santos, ug International Vice President Erick Quintana.
Gipasalamatan ni SLA Chairman Quintana ang dakbayan sa Cagayan de Oro, ilabi na si Mayor Klarex Uy, tungod sa padayon nga suporta sukad pa sa paglusad sa maong kalihokan.
Atol sa press conference, gibutyag ni Chairman Rocky Chan nga libre ang torneyo ug abli para sa tanang mutambong. Lakip sa mga teams nga misalmot milangkob sa representante gikan sa Barangay Carmen, uban pang mga team sa CDO.
Aduna usab teams gikan sa Canada, UAE, USA, Davao, ug Bukidnon.
Kagahapon, Hulyo 5, pormal nga ablihan ang kalihukan sa USTP Gymnasium, samtang ang sunod nga mga dula ipahigayon sa Xavier Sports Center.
Kapin 100 ka basketball games ang masaksihan sa publiko sugod Hulyo 5 hangtod 11, 2025, nga nagpakita sa kahanas sa mga batan-ong atleta.
Mukabat sa 36 ka teams sa Sinag Liga Asya Junior World Cup Mindanao ang magtigi sa labing unang higayon, ning syudad.
Taliwala sa gamay nga kagubot, mapasalamaton gihapon ang mga organizers sa pagbukas sa maong event.
