Mitin-aw si Misamis Oriental Governor Juliette Uy sa iyang mga prayoridad, human migula ang report nga dili niya interes ang pag-hire sa dugang mga Job Order workers.
Subay sa report, mas gusto unahon sa gobernadora ang pag-atiman sa Misamis Oriental Provincial Hospital kun (MOPH).
Una nang gibisitahan ni Governor Uy ang mga MOPH sa unang distrito nga gilakip ang Balingasag, Talisayan, Magsaysay, ug Gingoog City.
Sa iyang pagbisita, iyang nasuta ang mga problema sa mga ospital sama sa kakulangon sa equipment, tambal, pasilidad, kuryente, tubig, ug imprastraktura.
Sigun ni Dr. Rhea Austria, Chief of Hospital sa MOPH-Talisayan, ang imprastraktura ang dapat gyud tutukan sa ilang buhatan.
