Cagayan de Oro Mayor Uy leads efforts to combat Super El Niño Cagayan de Oro effects. Discover city plans for severe heat, water, and power impacts.

Gipahigayon ni Cagayan de Oro City Mayor Rolando “Klarex” Uy ang sunod-sunod nga tigum uban sa mga barangay kapitan aron mapalig-on ang contingency plans batok sa gipaabot nga epekto sa Super El Niño.

Matud ni Acting City Information Officer Jade Adeser, gipahaom sa Task Force Super El Niño ang mga estratehiya sumala sa kahimtang sa matag barangay tungod kay lahi ang panginahanglan sa mga urban ug kabukiran nga lugar.

Gipasidaan usab sa opisyal nga bisan adunay panagsang pag-ulan sa syudad karon, posibleng mosugod ang grabeng kainit sa katapusang semana sa Nobyembre.

Gilauman nga molungtad kini hangtod sa Mayo o Hunyo sa sunod tuig nga mahimong makaapekto sa suplay ug konsumo sa tubig ug kuryente.

Gikompirmar ni Adeser nga kanunay nga naghatag og report ang inter-agency task force ngadto sa mayor aron maseguro nga andam ang tanang ahensya sa pag-atubang sa mga hagit nga dala sa El Niño.