Gi-anunsyo sa Commission on Election o Comelec nga giaprobahan na sa Comelec En Banc ang napulo ka adlaw nga voters registration sa tibuok Pilipinas alang sa Barangay ug Sangguniang Kabataan Elections.
Ang maong voters registration ang magsugod sa unang adlaw sa bulan sa Agosto hangtud Agosto 10.
Gibutyag ni Comelec Chairman George Erwin Garcia nga tumong niini nga maaghat ang mga kabataan nga nagpangidad sa 15 hangtud 17-anyos nga magpa rehistro aron makalambigit sa BSKE.
Samtang gitin-aw ni Garcia nga ang mga magparehistro sa Agosto nga taga Bangsamoro region, dili pa gihapon makabotar sa BARMM Partliamentary Elections sa Oktubre ning tuiga.
