Gisaway ni Vice President Sara Duterte ang pa-atras nga sistema sa pang-gobyerno ni Presidente Ferdinand Marcos Jr.
Miingon ang bise presidente nga inay paabante, pulos atras ang gihimo sa administrasyon, hinungdan nga wala siya malipay ug wala makontento sa direksyon sa gobyerno karon.
Sa iyang panan-aw, nagkalisud ang Pilipinas kay wala makab-ot ang tinuod nga kausaban, ug daku kining kabaliktaran sa panahon sa iyang amahan nga si ex-President Rodrigo Duterte, nga matud pa niya, mas paspas ang kalambuan ug mas klaro ang tumong para sa maayong kaugmaon sa nasud.
