Daghan pang mga kausaban ang angay buhaton sulod sa Cogon Public Market.
Kini ang gibutayag ni Regulatory and Complaints Board (RCB) Chair Atty. Egay Uy, human nila gi-aksyunan ang kahugaw sa merkado sa miaging semana.
Mahinumduman nga pinaagi sa fumigation ug flushing activity, mas napahapsay ang palibot ug naminusan baho sa merkado.
Gibutyag ni Uy nga ang naglabay nga kalihuklan, gipasiugdahan ni City Councilor Edgar Cabanlas, ang bag-ong Committee Chair sa Economic Enterprises, kuyog nila CEEBA Manager Atty. Marrianne Guibone Ragas, ug sa mga taga-Bureau of Fire Protection.
Namahayag si Uy, nga gi-una nilag limpyo ang fish section kay pirmi kini basa ug pita.
Girekomendar usab sa RCB ang pag-repair sa daghang stalls nga halos malata na ang pundasyon, samtang ang uban nagkinahanglan sa repainting o dugang pintal.
Partikular nga gihatagan sa pagtagad ang section sa mga karne sa manok, baboy, baka ug landinganan sa presko nga mga isda.
Nanghinaut ang hepe sa RCB sa kooperasyon sa mga vendors kay himoon na nilang regular ang flushing activity matag adlawng Dominggo aron mamentenar ang kahindik sa merkad.
