Mahimong ipa-annul sa magti-ayon ang ilang kasal kung ang usa kanila manlimbong sa ilang sekswalidad.
Namahayag si Atty. Samson So Tan, legal counsel sa LGBT Filipinas, nga ubos sa Article 45 sa Family Code, gitin-aw sa Korte Suprema nga pwede kining basihan aron putlon ang kaminyuon ug wad-on ang bili sa kasal.
Hinoon, gitin-aw ni Tan nga ang pagka-homosekswal sa usa ka tawo dili direktang basehan sa annulment, tungod kay importante nga adunay “vitiated consent” aron mahimong kining legal nga rason sa pagbasura sa kasal.
Kini nga punto supak sa kasagarang pagtuo sa katawhan nga kung ang usa ka partner homosekswal, otomatic nga ma-annul ang kasal.
Giingon usab sa desisyon sa Supreme Court niadtong 2008 nga ang homosekswalidad dili makapa-annul sa kasal gawas kung ang partner dili makatuman sa iyang marital obligations.
Giklaro ni Atty. Tan nga dili lang sa isyu sa homosekswalidad naglangkob ang maong desisyon, apan apil usab ang pagtago sa sexually transmitted diseases (STDs) kay usa man kini ka klase sa pagpanglimbong.
