CAGAYAN DE ORO CITY – Nagtoo si kanhi City Mayor Oscar Moreno nga mo-sentro ang unod sa SONA ni Pres Bongbong Marcos sa nag-unang mga isyu kabahin sa seguridad,kahimtang sa ekonomiya,edukasyon,panglawas,imprastraktura,agrikultura,kasiguruhan sa pagkaon,pagsulbad sa kawad-on,relasyon sa ubang kanasuran ug daghan pa.
Siya miingon nga gusto niya kini madunggan nga mga isyu kung unsay nahimo ni Marcos niini ug kung unsa ang lauman nga direksyon sa katawhan sa nabilin niyang katuigan sa katungdanan.
Siya miingon nga wala usab niya wad-a ang posibilidad nga tukion ni Marcos ang bag-uhay nga hukom sa korte suprema nga pagdeklara nga UNCONSTITUTIONAL ang impeachment case nga gipasaka sa iyang mga kaalyado sa kamarabaha batok kang Vice Pres Sara Duterte sa senado.
Samtang gusto madunggan sa hugpong sa mga negosyante kung unsay mga epektibong plano ni Pres Bongbong Marcos aron mapugngan ang nagkataas nga utang sa Pilipinas nga duol nang moabot sa 15 trilyones pesos sulod ning tuiga.
Miingon si Ray Talimio Jr,kanhi chairman sa MSMEs Misamis Oriental – Cagayan de Oro Devt Council nga kung mapasagdan kini,dili imposible nga makasinati sa economic recession ang nasud.
Lauman usab ni Talimio nga adunay mga konkreto nga mga programa nga ipatuman ang Marcos administrasyon sa aspeto sa edukasyon,panglawas,negosyo,transportasyon ug bisan sa hadla sa kinaiyahan diin bag-uhay pang nakasinati sa grabeng pagbaha ang Pilipinas tungod sa tulo ka bagyo nga miigo sa Luzon provinces.
Hisayrang gradong otso ang gihatag ni Talimio sa katibuk-ang performance ni Marcos tungod kay namintinar sa Pilipinas ang ubos nga inflation rate sa mga presyo sa batakang produkto ug palaliton sa katawhan.
