Prisohan ang gikatulgan sa High Valued Individual nga nakuhaan sa P2.2-Milyon nga gitoong shabu, sa gilusad nga joint operation sa City Drug Enforcement Unit sa Iligan City Police Office, PDEA-10 Iligan Lanao del Norte Provincial Office, CIU-ICPO, ug Intel Operatives sa Iligan City Police Station 5.
Sa gilusad nga drug buy operation gibutayg ni ICPO Spokesperson Police Major Zandrex Panolong nga malampusong nadakpan ang drug suspek nga si alyas Mucks, 45 anyos, ulitawo ug residente sa Brgy. Tibanga, Iligan City
Ang pinalitay sa druga nahitabo sulod sa Inn sa Brgy. Palao, kundiin narekober sulod sa iyang girentahang lawak ang 400 gramo sa sako sa crystaline substances nga gitoohang shabu.
Gikompirmar sa kapulisan nga daan nang may kaso sa pagpayuhot sa ilegal nga druga ang suspek apan wala kini mi-undang human nakagawas sa prisohan.
Gibutyag sa PDEA nga konektado ang suspek sa family-based drug group nga ga-operar sa operar sa Lanao del Sur.
Mitug-an ang suspek nga ang ilang mga drugas nagsumikad sa Lanao del Sur, ug gitakda pa niya kining ibaligya sa Lanao del Sur, Iligan City, ug Cagayan de Oro City.
Lakip sa nakompiskar sa suspek ang iyang dalang timbangan, cellphone, pitaka, disposable lighter, ugP1,000.00 nga gigamit isip buybust money.
Sa adlaw’ng Lunes, dad-on ang suspek sa piskalya aron pasakahan sa kasong paglapas sa Sec. 5 ug 11, Article II sa R.A. No. 9165 o naila isip Comprehensive Dangerous Drugs Act of 2002.
