Gitakda nga i-presentar sa kadagkuan sa Cagayan de Oro City Water District (COWD) kang City Mayor Rolando ‘Klarex’ Uy ang ilang laraw sa nga pagpangayo’g dugang bayronon sa mga konsumante.
Gipasabot ni COWD Chairman Gerry Caño nga gikinahanglan ang umento sa bayronon aron mapanindot pa ang serbisyo sa panubig sa katawhan sa dakbayan.
Dugang pa ni Caño nga katorse na katuig na nga wala nakapangayo’g increase sa singil sa balayrunon sa tubig ang COWD diin apektado ang ilang pondo alang sa maintenance.
Hisayran nga dugay na nga problema sa COWD ang karaan nga mga pipes nga nagresulta sa pagka usik sa tubig.
