Gisaway ni Atty. Samson So Tan, legal counsel sa LGBT Pilipinas, ang daghang mga debate sa senado kalabot sa impeachment case ni Vice President Sara Duterte kay kini “redundant” ug “unnecessary”.
Gipasabot ni Tan nga wala miingon ang Korte Suprema nga dili na puwedeng ma-impeach ang Bise Presidente.
Ang gi-deklarar nga unconstitutional mao lamang ang specific articles of impeachment nga gisumite kaniadto.
Matud niini nga kung tinuod nga seryoso ang mga nagreklamo, kinahanglan nilang maghulat sa hustong panahon ug legal nga proseso aron ipasaka pag-usab ang kaso.
Nagkatawa na lang si Tan sa mga senador nga iyang giingong “nagmamarunong”, nga nagpugos gihapon sa pagduso sa impeachment bisan klaro nang dili kini legal nga posible karong tuiga.
Giingon pa ni Tan nga gusto lang ipagawas sa mga magbabalaod ang kaso bisan wala pa sa sakto nga tuig ug bulan, hinungdan nga gibasura sa en banc sa Korte Suprema.
Contributor: James Oliver
Interviewed by: Lau Rence Geralde via Bombo Hanay sa Udto
