CAGAYAN DE ORO CITY – Musugod na sa iyang mas bug-at ug puno sa hagit nga bag-ong tahas isip deputy speaker sa House of Representatives si Misamis Oriental 2nd District Cong. Bambi Emano.
Kini human napahurar na sa kamarabaha pinaagi ni House Speaker Martin Romualdez si Emano alang sa bag-ong tahas nga gisangon kaniya sa 20th Congress.
Gawas sa mga kauban nila nga mga magbabalaod,misaksi usab sa pagpanumpa ni Emano sila Tagoloan Mayor Atty. Nadya Emano- Elipe,Dra. Natasha Emano-Elazegui ug Cagayan de Oro 2nd District City Councilor Yvy Emano.
Sa pagsilbing deputy speaker ni Emano,tipik siya mohimo sa pag-preside sa regular session sa kamarabaha kung wala ang presensiya ni Romualdez.
Kaabag usab kini sa mga pagtuki sa mga importanteng balaodnon sa matag-sesyon, mohatag sa gabayan sa mga gimbuhaton sulod sa kamarabaha nga ikaayo sa mga kaubanan mga kongresista.
Una nang namahayag sa Bombo Radyo ang iyang chief of sfaff nga si Matt Valleser nga tungod sa dugang tahas sa kongresista,malimitahan na ang presensiya niini sa pakigsandurot sa mga taga-distrito dos gumikan unay sa daghang trabaho nga hikayon haom sa kasuguan sa kamarabaha.
Hisayrang sa napulo ka deputy speakers nga kaabag ni Romualdez, duha lang sila ni Emano ug Lanao del Sur 2nd District Representative Yasser Alonto Balindong ang gikan sa Mindanao.
