Nangulo si 2021 Tokyo Olympics boxing silver medalist Carlo Paalam alang naglangkob sa Amateur Boxing Association of the Philippines/ABAP nunot sa 2025 World Boxing Championships sa Liverpool Arena,Liverpool,England sugod petsa 4 hangtod Setyembre 14 ning tuiga.
Moaway si Carlo ubos sa men’s 55 kilograms samtang si 2024 Paris Summer Olympics Aira Cordero Villegas ang makigtigi usab sa timbang nga 51kg category.
Midalikyat ang ABAP team sa Sheffield,England alang sa ilang dugang mga adlaw sa bansay-bansay ayha ang paglambigit sa maong kompetisyon.
Kuyog sa duruha sila former SEA Games medalist Riza Pasuit alang sa women’s 60kg class, plus team consultant Don Abnett, coach Reynaldo Galido ug physical therapist Paolo Reynoso.
Representahan usab ni Ronald Chavez Jr ang men’s 70kg division sa higayon nga ma-aprobahan na ang iyang visa.
Samtang si Jay Bryan Baricuatro ubos sa men’s 50kg ug Junmilardo Ogayre sa men’s 60kg ang atua na sa Xinjiang, China alang sa ilang preparasyon kabahin sa pag-apil sa sikat nga torneyo.
Apil sa RP squad sila Asian U22 bronze medalist Mark Ashley Fajardo sa men’s 65kg ug Ofelia Magno sa women’s 48kg nga bag-uhay pa nakahuman sa ilang training camp sa Bangkok, Thailand.
Ang giapilan nga World Championships sa Pinoy boxers ang magsilbing crucial international benchmarksa Philippine boxing team aron magbaton sa momentum alang sa continental competitions ug ilabina sa 2028 Los Angeles Olympic Games.
