CAGAYAN DE ORO CITY – Gitahod sa kampo ni Misamis Oriental Gov. Juliette Uy ang hukom sa korte nga nagbalewala sa ilang hangyo nga bakwion na ang 20-day temporary restraining order nga gipangayo sa Sangguniang Panlalawigan batok sa mando niini nga over the counter nga pagkuha sa sweldo sa capitol employees.
Miingon si special asst to the governor Celso Abucejo nga sundon nila ang mando sa korte apan mosaka sila sa Court of Appeals aron ipa-rebyo ang maong hukom.
Dumduman nga mikontra-petisyon si Uy batok TRO apan wala pabori kay alang sa korte walay igong merito.
Una niini,gibutyag ni Misamis Oriental Sangguniang Panlalawigan Board Member Dexter Yasay nga tinguha nila mahingpit ang pagdili sa korte sa mga lakang ni Uy nga naghatag kalisod sa mga empleyado sa kapitolyo.
Kini ang rason nga nangayo sila sa writ of preliminary injunction sa korte aron dili na mautro nga ipaatubang una sa gobernadora ang mga empleyadoo ayha makuha ang ilang mga suhulan.
