Natay-og ang tibook kalibutan sa epekto sa 6.9 magnitude nga linog sa Cebu.
Kini ang rason nga gilakip ni Pope Leo XIV sa iyang pag-ampo ang mga biktima sa linog atol sa iyang senemana nga misa sa St. Peter’s Square sa Vatican, nga nagtimaan usab sa Jubilee of Migrants and Missionaries.
Gihangyo sa Santo Papa ang tanan tumutuo ni Hesu Kristo nga magpabilin ang panaghiusa ug pagsalig sa Labaw nga Makagagahum, taliwala sa kalisdanan.
Hisayran nga wala magpa-ulahi ang Santo Papa sa pagpadayag sa iyang pahisubo ug grabeng pagbangutan human iyang nadawat ang balita gikan sa Pilipinas.
Sa pagkutlo ning balita, ang ihap sa nabangalang patay sa Cebu misaka pa sa 72, ug ang samdan misaka pa sa 294. Wala pa gihapoy indikasyon sa paglurang sa mga aftershocks sa maong probinsya
