Mipasidaan ang bag-ong direktor sa Police Regional Office -10 batok sa mga pulis nga malakapas sa gipatuman nga internal rules sa PNP.
Gihimo ni Police Brigadier General Christopher Abrahano ang pahayag sa unang flag raising ceremony nga iyang gipanguluhan sa Kampo Alagar, Barangay Lapasan ning syudad, kagahapon.
Miingon si Abrahano nga dili siya magduha-duha sa pagpatangtang sa mga badlungong pulis nga makadaut sa imahe sa PRO-10.
Una niini, gusto ipatuman ni Abrahano ang walo ka oras nga duty, aron malikayan ang tumang kakapoy ilabina sa pagresponde panahon sa emerhensiya ug dagkung krimen.
Gipamugos sa bag-ong direktor nga mas episyente ug epektibo ang trabaho sa usa ka pulis kung sulod kini sa iyang walo ka oras nga duty.
