Naguol ug mipadangat sa iyang pagbangutan si Santo Papa Leon, human madawat ang report nga kapin gatus na ka tawo ang patay sa duha ka managsunod nga bagyo nga miigo sa Pilipinas.
Segun sa Vatican News, mihalad sa pag-ampo sa mga nangamatay ang Santo Papa human subli gilampurnas ang nasud sa super-typhoon Fung-wong o mas naila nga Bagyong Uwan, kundiin mipugos sa kapin usa ka milyon ka tawo sa pag-evacuate gikan sa mga lugar nga nagsilbing ruta sa bagyo.
Miingon ang Santo Papa nga siya nag-ampo alang sa nakalingkawas sa kalamidad, sa mga pamilya, alang sa mga nasamdan, ug alang sa tanang napugos nga mabiya sa ilang mga panimalay.
