Nagpagawas na sa ultimatum si Mayor Rolando Klarex Uy aron masiguro nga mahuman na ang katukuran sa Media Health Center sa Barangay Carmen, ning syudad.
Kini ang gitin-aw ni Jade Adecer, ang hepe sa City Information Office sa pakighinabi sa BOMBO RADYO.
Miingon si Adecer nga mubalor sa kinatibuk-ang 65-Milyon pesos ang pondo sa wala pa mahuman nga center.
Una niini, gibatikos sa mayor kung nganong gi-abandonar sa construction company ang pasilidad busa nagpakitabang kini sa City Legal Office aron mapasakaan sa kaso ang mibiya nga kontraktor.
Ang ultimatum gipunting sa City Engineering Office ug gimanduan si Engr Joel Momongan nga kinahanglan matibawas ang pasilidad sa Hulyo 2026.
Gibutyag ni Adecer nga gibuksan na sa City LGU ang bidding alang sa kompanya nga musalo sa gibyaan nga proyekto.
