Madelatar ang case referral sa Independent Commission for Infrastructure (ICI) batok sa tolo ka senador tungod sa dugang written affidavit nga gipasa ni kanhi Department of Public Works and Highways (DPWH) Undersecretary Roberto Bernardo sa komisyon. Personal kining gitin-aw ni ICI Chairperson ug kanhi retired justice Andres Reyes Jr sa interview sa Bombo Radyo. Gibutyag ni Reyes ang affidavit ni Bernardo naglakip sa dugang personalidad nga gi-ingong nakadawat sa kickback, lakip na si kanhi DPWH Secretary Manuel Bonoan. Kini ang rason nga ila subli gi-rebyu ang ebidensya ug posibleng ma-delatar ang case referral sulod sa napulo ka adlaw. Hisayran nga gitakda unta, ning semana, ang rekomendasyon sa pagpasaka’g kaso batok sa wala pa nganli nga mga senador, kundiin ang tanan rekomendasyon ipasa sa Office of the Ombudsman, aron sila na ang mudason sa mga kaso sa Sandiganbayan.
