Dili makahatag sa matuod nga pagsabot ug kina-adman (wisdom) ang pag-gamit sa Artificial Intelligence o AI. Kini ang personal nga pagpahinumdum ni Pope Leo XIV sa dihang nakighinabi kini sa 15,000 ka mga magtutungha pinaagi sa “online”. Ang iyang mga nahinabi nagsumikad sa mga estudyante sa Indianapolis, Indiana. Iyang gipasabot sa mga batan-on nga dili magsalig sa AI sa pagtubag sa mga asignatura kay dili kini makahatag sa kamatuoran, sama sa kamatuoran nga makita kang Hesu Kristo. Nagpadumdum ang Santo Papa nga gamiton ang teknolohiya sa husto nga pamaagi aron mas mulawom ang pagtuo.
