Nagpukos ang Police Regional Office-10 sa mga lugar nga sagad dagsaon sa katawhan ning panahon sa Pasko.
Kini ang pagklaro ni Police Brigadier General Christopher Abrahano, ang regional director sa PRO-10, atol sa ilang opisyal nga paglusad sa Oplan Ligtas Paskuhan 2025.
Gawas sa pagmuntar sa mga kapulisan sa mga malls, simbahan, ug mga tourist spots, nakigkoordinar usab ang PNP sa Land Transportation Office (LTO) kalabot sa paspas nga aksyon kung adunay aksidente sa dalan.
Tumong niini nga dili mahimong rason ang nagbangga nga mga sakayan sa posibleng bumper-to-bumper nga trapiko, ilabi na sa holiday rush.-
