Nagpadumdom ang City Price Coordinating Council sa Department of Agriculture nga ang Price Act naghatag sa gahom ug otorisasyon sa pagpatuman sa mga imbestigasyon batok sa profiteering, cartelization, ug hoarding, isip implementing agency sa balaod. Sumala ni City Price Coordinating Council chairman Atty. Edgardo Uy, daghan sa mga bodega sa syudad nga nagtipig sa lokal ug imported nga bugas. Apan, ila pang susihon kung tinuod ba nga walay problema sa supply sa bugas sa rehiyon o kung kini base lamang sa mga dokumento, samtang sa aktuwal aduna na diay kakulangon sa supply nga maoy hinungdan sa pagsaka sa presyo sa bugas sa merkado.
