Wala pa’y nakit-an ang Philippine Embassy sa Colombia nga mga timaan sa posibleng spillover sa nagpadayong kagubot sa Venezuela. Ang embahada, nga naglangkob usab sa Venezuela ug Ecuador, nagpabilin nga nagmonitor sa sitwasyon aron masuta ang epekto niini sa mga kasikbit nga nasud. Sumala ni Consul Judy Razon, kontrolado pa ang tensiyon sa Venezuela human sa US military raid nga misangpot sa pagkadakop ni Venezuelan President Nicolas Maduro. Nasayod usab ang gobyerno sa Pilipinas sa nagpadayong politikal nga tensiyon tali sa US ug Colombia, nga mahisama sa mga naunang tensiyon sa US ug Venezuela.
