Misaka sa 10.3% ang kinatibuk-ang pautang sa mga bangko alang sa negosyo ug indibidwal niadtong Nobyembre 2025, nga nagpakita sa lig-on ug padayon nga kalihokan sa ekonomiya, sumala sa Bangko Sentral ng Pilipinas.
Kusog ang pagtubo sa loans sa mga residente ug sa sektor sa negosyo, ilabina sa real estate, kuryente, transportasyon, ug Komersyo.
Padayon usab ang pagsaka sa consumer loans sama sa credit card ug car loans, bisan adunay gamay nga paghinay kumpara sa miaging bulan.
Matod sa BSP, hugot nilang ginabantayan ang bank lending aron masiguro ang kalig-on sa presyo ug sa pinansyal nga sistema sa nasud. (Jane Abulag)
