Gibutang na sa Wind Signal No. 1 ang probinsya sa Sorsogon ug southeastern Albay tungod sa tropical depression nga si Ada.
Signal no 1 usab ang Northern Samar, Samar, ug Eastern Samar sa Visayas, lakip ang tolo ka lugar sa Mindanao nga gilangkoban sa Dinagat Islands, Surigao del Norte, ug Surigao del Sur
Alas 10 sa gabii sa Miyerkules, na-monitor ang Bagyong Ada nga nahimutang sa 460 km sa sidlakan sa Hinatuan, Surigao del Sur.
Nagpabilin kini nga adunay kusog nga hangin nga 45 kph ug paghaguros nga moabot sa 55 kph, samtang nagalihok paingon sa 20 kph west-northwestward.
Sumala sa forecast, si Ada mosamot kakusog ug mahimong tropical storm sulod sa 24 ka oras samtang nagapadayon sa direksyon nga west-northwestward.
Posible nga mosaka sa Wind Signal No. 2 ang pipila ka lugar kung magpadayon ang pag-intensify sa bagyo.
Gilauman nga si Ada maduol kaayo o mo-landfall sa Samar Island ug Catanduanes tali sa Biyernes sa gabii (Enero 16) ug Sabado sa gabii (Enero 17) sa dili pa kini moliko paingon sa northeast nga direksyon palayo sa Southern Luzon.
