Mas dali na ang access sa pagpadala’g ebidensya ug reklamo sa mga biktima sa war on drugs ni kanhi Presidente Rodrigo Duterte.
Ning adlawa, gibuksan sa International Criminal Court (ICC) ang ilang microsite aron dinhi ipadala ang mga testimonials sa mga saksi, ug biktima sa duguong kampanya sa Pilipinas.
Ang site mudawat sa mga reklamo o alegasyon sa pagpatay, torture, ug sexual violence nga nahitabo tali sa Nobyembre 2011 hangtod Marso 2019.
Namahayag ang ICC nga importante nga makadawat sila sa direktang ebidensya gikan sa mga saksi, lakip na ang mga miyembro sa Philippine National Police ug uban pang law enforcement nga nalambigit sa operasyon.
Ang publiko gi-awhag nga pwede mosumiter sa impormasyon pinaagi sa microsite nga gi-post sa ilang opisyal nga pahina.
Ipost ang inyong mga reklamo niining site : ➡️ https://bit.ly/49IfCBj
