Gi-anunsyo sa National Police Commission (NAPOLCOM) ang pagpalagpot sa 11 ka mga pulis human napamatud-ang sal-an sa grave misconduct ug conduct unbecoming of a police officer kalabot sa mga nawala nga sabungero.
Namahayag si NAPOLCOM Vice Chairperson ug Executive Officer Rafael Vicente Calinisan, nga ilang napamatud-ang sad-an sa administratibo ang mga nasampit nga miyembro sa Philippine National Police (PNP) nga gilangkoban nila:
Police Lieutenant Colonel Ryan Jay Eliab Orapa
Police Major Mark Philip Simborio Almedilla
Police Executive Master Sergeant Aaron Ezrah Lagahit Cabillan
Police Chief Master Sergeant Arturo Opalla Dela Cruz Jr.
Police Senior Master Sergeant Joey Natanauan Encarnacion
Police Senior Master Sergeant Mark Anthony Aguilo Manrique
Police Senior Master Sergeant Anderson Orozco Abary
Police Staff Sergeant Alfredo Uy AndesPolice Staff Sergeant Edmon Hernandez Muñoz
Police Corporal Angel Joseph Ferro Martin
Police Staff Sergeant Renan Lagrosa Fulgencio
Samtang, girekomenda usab ang pag sipa sa serbisyo sa dating hepe sa Criminal Investigation and Detection Group (CIDG) nga si Police Brigadier General Romeo Macapaz tungod sa pagbag-o ug pagpanas sa mensahe sa managsoon nga si Julie “Dondon” ug Elakim Patidongan nga gikonsiderar nga nag-unanh saksi sa kaso.
Si Macapaz usab ang gibasol sa pagkawala sa mga SD card nga adunay unod sa mga importanteng ebidensya kalabot sa kaso.
Gipasabot ni Calinisan nga ang rekomendasyon ni Macapaz nagkinahanglannsa presidential clearance alang sa mga pulis nga adunay ranggo nga police colonel pataas.
