Gitin-aw sa Department of Labor and Employment (DOLE-10) nga ‘unanimous’ ang nakuha nga desisyon gikan sa tripartite body nga gilangkoban sa gobyerno, mga kompanya ug sektor sa mga trabahante, kung hisgutan ang bag-ong wage order nga gipagawas. Miingon si DOLE – Technical Director Atheneus Vasallo nga nasabutan ug maayo sa tolo ka komposisyon ang Wage Order No. RX-24 nga nagmando sa pagpatong sa 39 pesos nga “daily rate” sa mga trabahante sa Northern Mindanao. Hinoon, mi-angkon si Vasallo nga mas daghang negatibong komentaryo ang ilang nadawat apan, wala silay mahimo tungod kay ang Regional Tripartite Wages and Productivity Board (RTWPB) ang gahawid sa isyu usbaw sa suhulan, ug dili ang DOLE. Hisayran nga nagsugod na kagahapon ang pagpatak sa unang tranche nga 20 pesos per day increase sa suhulan. Samtang ang 19 pesos idugang sa Mayo 1, ug gitunong sa selebrasyon sa adlaw sa mga mamumuo sa Pilipinas.
