Gipanawagan sa Employees Federation ang national minimum wage aron mawala ang kalainan sa suholan sa nagkalain-laing rehiyon sa nasud.
Gipunting ni Federation President Nick Borja nga dili na angay magkalahi-lahi ang minimum wage kay parehas ra ang pagsaka sa presyo sa palitonon bisan asa sa Pilipinas.
Gikinahanglan, matod pa niya, ang patas ug unipormeng sweldo alang sa tanang mamumuo ug iyang gisuportahan ang proposed bill nga 200 pesos nga dugang-sweldo.
Apan iyang gipadayag ang dakong kasubo kay nahuman na ang 19th Congress nga wala matuki ang panukala, ug posibleng madugay pa kini matagad tungod kay dili pa kini prayoridad sa mga magbabalaod.
