Mitala ang DOLE Region 10 og daghang reklamo batok sa mga employer nga wala naghatag sa 13th month pay sa holiday season.
Namahayag si Technical Director Atheneus Vasallo nga kasagaran nila madawat ang maong reklamo matag ikatulong semana sa Enero ug gi-assign na ang mga personnel aron magsagawa sa inspection ug ipatawag ang mga employer.
Gipasabot sa opisyal nga ang 13th month pay usa ka statutory benefit nga katungod sa tanang empleyado nga nakatrabaho og labing menos usa ka bulan.
Bisan pa sa mga reklamo, nalipay si Vasallo kay mikunhod ang ihap niini kumpara sa miaging tuig, nga nagpakita sa mas maayo nga pagsunod sa balaod.
