Gipasakahan sa Office of the Ombudsman sa kasong ‘malversation’ ug ‘graft’ si kanhi senador Ramon “Bong” Revilla, lakip ang 6-ka opisyal gumikan sa Department of Public Works and Highways 1st District Engineering office.
Subay kini sa P92.8-milyon nga kantidad sa “ghost flood control projects” sa Bulacan.
Sumala kang Assistant Ombudsman Atty. Mico Clavano nga kini nga mga indibidwal nakalakip sila Assistant District Engr. Brice Hernandez, Engr. Jaypee Mendoza, Arjay Domasig, Engr. Emelita Juat, Juanito Mendoza, ug si Christina Pineda.
Dugang pa niini nga nagsabot kining mga opisyal aron mapagawas ang anaa sa P76-milyon alang sa pagpatukod unta sa flood control project sa Pandi, Bulacan diin human sa gipahigayo’ng inspection, wala diay kini natuman.
Mahinumdumang ‘na-acquit’ si kanhi senador Revilla sa kasong ‘plunder’ diin adunay kalabutan sa dili insaktong pag gamit sa iyahang Priority Development Asisstance Fund (PDAF) niadtong tuig-2018. (Jane Abulag)
