Giisa ang Red Alert sa tibook Sicily, Italya tungod sa bagyong Harry. Ang bagyo nagdala sa kusog nga ulan ug hangin nga sama sa hurricane nga nagresulta sa pagbaha ug pagkadaot sa pantalan sa Catania. Gi-isyu sa Protezione Civile sa Italya ang red alert tungod sa peligro nga dala sa kusog nga balod ug storm surge. Subay sa nagviral nga video sa social media, nahugno ang usa ka fishing boat ug daghang sakyanan sa dagat ang nadaut samtang daghang eskwelahan sa Sicily ang gipangsirado. Ang mga bombero ug emergency services nagresponde sa daghang tawag tungod sa pagbaha nga nagresulta sa pagkatag sa mga debris sa mga atop ug nadaut nga puy-anan. Hinoon, wala pay natala nga mga casualties gumikan sa insidente.
