Gisuportahan ni Konsehal Yvy Emano ang paghatag sa lugway sa renewal sa business permits sa mga negosyante sa dakbayan sa Cagayan de Oro.
Si Emano maoy usa sa mipabor ug mi-aprobar sa rekomendasyon ni City Mayor Rolando “Klarex” Uy, subay sa gisumiter nga hangyo sa mga grupo sa negosyante sa miaging Lunes.
Sumala ni Emano, usa kini ka maayong lakang alang sa dakbayan ug sa mga negosyanteng naglisod sa pagbayad sa ilang mga buwis aron, siguradi nga makalukat sa ilang bag-ong permit.
Namugos si Emano nga importante nga masabtan sa CDO-LGU ang kahimtangan sa sektor sa negosyo samtang nagpaningkamot kini nga makabakud sa daghan nga mga pagsulay.
