Gisang-at sa grupo ni kanhi Senador Antonio Trillanes IV ug pipila ka sakop sa civil society organization nga nagpaila isip The Silent Majority ang bag-ong reklamong ‘plunder ug graft’ batok kang Bise Presidente Sara Duterte sa Office of the Ombudsman.
Namahayag si Jocelyn Marie Acosta nga ang ‘plunder and graft cases’ konektado sa inisyal nga kasong gisang-at niadtong Disyembre sa miaging tuig kalabot sa isyu sa confidential funds.
Namugos ang grupo nga daghang nalapas nga mga balaod ni Bise Presidente hinungdan nga dili na nila kini palabyon ug kinahanglan manubag sa balaod.
Gumikan niini, gipresentar sa reklamante ang mga alegasyon sa Plunder ug Malversation tungod sa giingong anomaloso nga 650 milyones ka pesos nga Confidential Funds sa Office of the Vice President ug Department of Education.
Plunder and Malversation complaint sa gibanabanang 2.7 billion pesos nga anomaliya sa Confidential Funds sa Davao City niadtong mayor pa si Bise Presidente Sara Duterte.
Dugang pa niini, ila usab nga gipasaka ang uban pang mga reklamo batok sa nahisgutang opisyal kalabot sa dili husto o sayop nga paggamit sa pundo sa publiko.
