Naalarma si Climate Change Commission Deputized Officer Engr. Dioric Gavino, CPE, DPA sa kahimtangan karon sa Pilipinas, tungod kay mas gipanalipdan pa matod pa sa Sandatahang Lakas sa Pilipinas ang mga tiwali nga opisyal sa gobyerno kaysa sa pagpanalipod sa katungod sa katawhan.
Bisan pa niini, nagatoo gihapon si Gavino nga adunay mga sundalo nga dili pabor sa kasamtangang mga lakang sa administrasyon, ug naghulat lamang matod pa sa hustong higayon aron manindigan alang sa nasud.
Gihagit karon sa Climate Change Commission ang mga dagkong opisyal sa gobyerno nga ipakita ang ilang tinood nga paghigugma sa pagserbisyo sa katawhan, sumala sa ilang gipanumpaang katungdanan sa panahon sa eleksyon, ug dili ipairal ang personal nga interes, kay ang katawhan maoy mibotar kanila aron serbisyohan, dili aron gamiton. (James Oliver)
