Mas mahimo pang gamhanan ang Estadus Unidos oras nga mahuptan ang Greenland.
Kini ang nakitang posibilidad ni Geopolitical Observer Denmark Suede.
Sa interbyu sa BOMBO RADYO, miingon si Suede nga makatigom sa binilyong salapi ang Amerika ug mas dali ang ilang economic route kung magamit nila ang Greenland ug Arctic Region isip bag-ong ruta sa ilang komersyo. Gani, kung makamugna sa kanal sa maong dapit, makadaginot sa usa ka semana nga pagbiyahe ang Estadus Unidos ug daku kining hulga sa ekonomiya sa Russia ug China.
Alang kang Suede kung mahuptan ni Trump ang Greenland, mas musamot pa ka taas ang iyang garbo nga ipalanog ang MAGA Campaign o Make Amerika Great Again.
