Gikompirmar ni Palace Press Office spokesperson Atty Claire Castro nga nasulod sa ospital si Pangulong Bongbong Marcos sa Quezon City sugod pa kagabii.
Kini human unang mikaylap ang impormasyon nga tibuok gabii nga nadala sa Saint Luke’s Medical Center ang pangulo.
Namahayag si Castro nga adunay gibati si Marcos nga angayang matutukan sa mga mananambal rason nga nasulod sa tambalanan.
Apan giklaro niini nga walay angay ikabalaka ang katawhan kay igo lang gipaubos sa medical observation ang panglawas niini.
Siya miingon nga nakabalik na sa Malakanyang ug giingong adunay duha ka aktibidad nga tambungan ning hapona.
