CAGAYAN DE ORO CITY – Dili dautan ang budget insertions o pag-amendar sa gipangayong pondo-alokasyon nga gamiton sa katukuran sa mga proyekto sa mga distrito sa nasud.
Kini kung gigamit sa ensakto ug wala kawkawa alang sa mga imprastrakturang-proyekto alang sa katawhan.
Kini ang tubag ni House Deputy Speaker ug Misamis Oriental 2nd District Rep. Bambi Emano batok sa mga batikos ug pagduda sa ilang mga kritiko epekto sa flood control project corruption scandal diin sentro sa kasuko sa katawhan ang ilang institusyon.
Siya miingon nga maoy pinakadautan kung mihimo’g budget insertion o pag-amendar sa pondo apan gikawat kini.
Subli gibarugan sa magbabalaod nga wala sukad nga adunay bisan usa nga ghost projects sukad kini nakabalik pagka-kongresista.
Hinoon,giangkon ni Emano nga daghang higayon nga adunay iyang gipaapas nga fund requests gikan sa distrito dos taliwala nga natapos na ang budget discussion kay nakit-an sa liderato sa kongreso ug hintungdang mga ahensiya nga gikinahanglan sa katawhan.
