Gi-pugngan sa International Olympic Committee (IOC) si Ukrainian skeleton racer Vladyslav Heraskevych sa pag-apil sa Winter Olympics human niyang gigamit ang helmet nga adunay hulagway sa mga atleta nga namatay sa giyera sa Ukraine.
Namahayag ang IOC nga nasabtan nila ang kahimtang ug pagbati sa atleta, apan klaro nga supak kini sa ilang mga lagda.
Mahinumduman nga nag-post si Heraskevych og video samtang nag-practice, diin nagpakita sa mga hulagway sa namatay nga mga atleta, lakip na nila Alina Perehudova ug Pavlo Ischenko, nga nakahatag og daghang reaksyon sa publiko.
Mitaho si Heraskevych nga plano niyang i-apelar ang silot aron maprotektahan ang iyang katungod sa pag-apil sa kompetisyon.(Phillip Ariata)
