Gipadayun sa grupong EDUCHILD ug Gabay Pamilya sa CDO, kauban ang LGU sa syudad, ang ilang programa aron maabot ang mga pamilya, ilabi na ang mga benepisyaryo sa 4Ps, og mga programa nga angay alang kanila.
Si Dr. Rodrigo Alenton, chairperson sa maong grupo, miingon nga ang tumong mao ang paghatag og parenting courses sa mga 4Ps families sa syudad.
Giingon niya nga aduna na silay module nga iindorso sa DSWD ug gihulatan lang nga mahimong nationalized, apan padayon na gihapon ang paghatag sa mga module pinaagi sa ilang Gabay Pamilya PES program sa syudad.
Matod pa ni Alenton, ang maong programa makatabang sa mga marginalized families aron mulambo ug mas mapalig-on ang ilang kahimtang sa panimalay ug komunidad.
