Gipasiugda sa Catholic Faith Defenders Cagayan de Oro ang importansya sa pag-ampo ug pagpuasa sa pagsugod sa Kwaresma sa Miyerkules sa Badlis.
Sumala ni Wendel Talibong sa Catholic Faith Defenders, gitawag sa Simbahan ang “Lent” isip disyerto nga naglarawan sa kahimtang nga giagian sa Dios diin Siya gitintal ug gisulayan.
Gipasabot ni Talibong nga walay tawo nga gustong mopuyo sa disyerto tungod kay kini mingaw, awaaw ug grabe ang kainit, apan adunay espiritwal nga kahulugan ang maong kahimtang.
Matod pa niya, ang panahon sa Kwaresma usa ka pahinumdom nga sa kinabuhi sa tawo gikinahanglan ang Dios ilabi na sa mga pagsulay ug kalisdanan.
Gidugang sa CFD nga ang kinabuhi sa tawo sa kalibutan lumalabay lamang, busa ang pag-ampo, pagpuasa ug paghinulsol maoy paagi aron mapalig-on ang relasyon sa Ginoo. (James Oliver)
