Gidala na sa kustodiya sa Bureau of Immigration ang usa ka Mongolian national sa I-ba usa ka lungsod nga kapital sa probinsya sa Zambales tungod sa giingong paglapas sa iyang visa ug kakulang sa tinuod nga impormasyon sa iyang background.
Sumala sa Armed Forces of the Philippines ug Philippine National Police, adunay suspetsang koneksyon siya sa militar sa China. Giingon nga wala niya gipadayag nga adunay siya’y training sa People’s Liberation Army sa wala pa siya nagtuon og pagpalupad sa Pilipinas.
Sa pagkakaron, deportation proceedings ang giatubang niya samtang nagpadayon pa ang imbestigasyon sa mga otoridad. (Jane Abulag)
